Endeleg har vi fått litt vinter – og i snøen kan ein finne på mange kjekke aktivitetar, både med og utan ski!
Ørskogfjellet Skisenter, Barnas Turlag Vestnes, Tresfjord Røde Kors Hjelpekorps, Vestnes Røde Kors, og Vestnes Frivilligsentral invitera til ein morosam dag med vinteraktivitet på Ørskogfjellet.
Det vert gode moglegheiter for å bruke alpinbakken om du er heilt fersk, litt erfaren eller driven. Barn kan få låne gratis utstyr på Vestnes Frivilligsentral og rabatt på leige av utstyr ved skisenteret (begrenset antall sko og ski, så her er det førstemann til mølla). Barn får stå gratis i bakken. Ørskogfjell Skilag vil ha nokre vaksne som kan vise litt på brett og ski - sjå informasjon under. Det vil bli oppkøyrte langrennsløype, natursti og bålpannekos. Sjå program.
Varmestua ved skitrekket er også open med sal av diverse mat.
Tresfjord Hjelpekorps er tilstade på arrangementet.
Prisar og lån av utstyr:
- Alle barn fra 0-14 år som melder seg på aktivitetsdagen får GRATIS heiskort. Påmelding med namn og alder til frivillig@vestnes.kommune.no innan fredag kl. 16.00.
- Gratis minikurs med instruktør, alpint og snøbrett. Krever påmelding med namn og alder til frivillig@vestnes.kommune.no innan fredag kl. 16.00. Oppmøte ved skibandet kl. 10.30.
- Skibandet er gratis å bruke for alle. Super plass for nybegynnarar og for leik med ski og akebrett
- Vestnes Frivilligsentral har gratis utlån av alpinskipakker og langrennsskipakker på sin Utstyrssentral (Remmemsvegen 2). Utstyrssentralen er open fredag 28.februar frå kl. 16.00-17.00, begrensa antall ski.
- På aktivitetsdagen kan ein leige ski rimleg på Ørskogfjellet Skisenter: Barn kr. 100,- for skipakke, kr 50,- for ski og kr. 50 for sko så lenge det er utstyr tilgjengeleg.
VELKOMMEN til ein kjekk aktivitetsdag på Ørskogfjellet!
P.S: Foreldre har ansvar for eigne barn på Aktivitetsdagen.